შექმენი კომპიუტერი თავად

ინფორმაციული და საკომუნიკაციო ტექნოლოგიების გაკვეთილზე პირველკლასელებმა გაიგეს, რომ ადამიანებმა მრავალი ტიპის კომპიუტერი შექმნეს სხვადასხვა მიზნისთვის. მათი ფორმები და ზომები ერთმანეთისგან განსხვავდება და ისინი მრავალფეროვანია. ასევე ვისაუბრეთ იმ საქმიანობებზე, რომლებშიც ისინი გვეხმარებიან.  გამოვყავით ის საქმიანობები რომლისთვისაც კომპიუტერს უფრო ხშირად ვიყენებთ. შევჯერდით იმაზე რომ კომპიუტერს ძირითადად ვიყენებთ სწავლისა და თამაშისთვის.

პირველკლასელებს მიეცათ დავალება: 

წარმოიდგინე  ხარ კონსტრუქტორი და უნდა შექმნა შენი საოცნებო კომპიუტერი. ნამუშევრის წარმოადგენა შეგიძლიათ თქვენთვის სასურველი ფორმატით მაკეტები, ნახატები, პლასტელინით გამოძერწილი...

წარმოგიდგენთ ჩემი პატარების საოცარ ნამუშევრებს:

მადლობა მათ მშობლებს ჩართულობისთვის, თანამშრომლობისთვის, აქტიურობისთვის. „მშობელთა ჩართულობა“ ნიშნავს  ერთობლივ და უწყვეტ პასუხისმგებლობას მოსწავლეთა მიღწევებისა და სწავლის გაუმჯობესებაზე, როგორც შინ, ასევე სკოლაში. ის აერთიანებს მშობლებსა და მასწავლებლებს, რათა მათ ერთიანი ძალისხმევით შეუწყონ ხელი მოსწავლის აკადემიური მიღწევების გაუმჯობესებას. 

ჩემი პერსონალური გამოფენა One Drive-ში- ღრუბლოვანი სერვისების სათანადოდ გამოყენება (ფაილის შექმნა, შენახვა, გაზიარება)

IV კლასი: ღრუბლოვანი სერვისების სათანადოდ გამოყენება (ფაილის შექმნა, შენახვა, გაზიარება).

   კომპლექსური დავალება N1

   სათაური:  გამოფენა One Drive-ში 

    პირობა: წარმოვიდგინოთ რომ გვინდა     გავაკეთოთ ონლაინ გამოფენა ტექნიკის   განვითარების ისტორიაზე, რომელსაც   წარმოადგენთ თქვენთვის სასურველი ფორმატით (მაკეტები, პრეზენტაციები, ბუკლეტები, ფლაერები)

მეგობრებთან ერთად მოვიფიქროთ, როგორ შევქმნათ ჩვენი კლასის რესურსების საცავი ღრუბლოვან სივრცეში, ავტვირთოთ ჩვენი რესურსები One Drive-ში და შევქმნათ ერთგვარი რესურსების ბანკი.

ჯგუფის წევრებთან ერთად იმუშავე პროექტის შესაბამის თემაზე

I  ჯგუფი - “ინფორმაციის გადაცემის საშუალებები ძველად და ახლა.”

II ჯგუფი - „ინფორმაციის სახეები“

III ჯგუფი - “კომპიუტერის შექმნის ისტორია, ძირითადი და დამხმარე მოწყობილობები”

III ჯგუფი - “ინტერნეტის დადებითი და უარყოფითი მხარეები”

 

საძიებო სისტემების დახმარებით, მოიძიეთ თქვენი თემის შესაბამისი ინფორმაცია.

პროექტზე  მუშაობისას დაგჭირდებათ ინტერნეტში სხვადასხვა ტიპის ინფორმაციის მოძიება, დახარისხება,  ღრუბლოვან საცავში ატვირთვა, ერთმანეთთან გაზიარება და მოძიებულ მასალაზე ერთობლივი მუშაობა. საბოლოოდ კი პრეზენტაციის სახით წარმოდგენა,  მოპოვებული რესურსების პედაგოგისთვის გაზიარება One Drive-ის სივრცეში

 

ნამუშევრის წარდგენისას:

ისაუბრე:

·         რა გაიგე ახალი ინტერნეტის ფუნქციონირების პრინციპების შესახებ?

·         რა გაგიადვილდა და რა გაგიჭირდა?

·         დაგეხმარა თუ არა სავარჯიშოები და მინიშნებები?

·         როგორ გამოიყენებ ამ გაკვეთილით  მიღებულ ცოდნას?

·         დაასახელე  რამდენიმე არგუმენტი, რატომაა საჭირო ინტერნეტის ფუნქციონირების პრინციპების ცოდნა მოსწავლისათვის?

·         რისგან დაგიცავს და რას გაგიადვილებს?

·         რატომაა მნიშვნელოვანი ღრუბლოვანი სერვისების გამოყენება?

·         რაში დამეხმარა ინფორმაციის განთავსება ღრუბლოვან სივრცეში?

 

პრაქტიკული რჩევები კომპლექსურ დავალებაზე მუშაობისთვის

დავალების შესასრულებლად მიყევით შემდეგ ნაბიჯებს:

·         პირველ რიგში ჯგუფში გადაინაწილეთ დასამუშავებელი საკითხები;

·          მოიძიეთ ინტერნეტში, სხვადასხვა წყაროდან, თქვენი თემისთვის საინტერსო ინფორმაცია.

·         იმსჯელეთ, დროთა განმავლობაში როგორ შეიცვალა, დაიხვეწა და განვითარდა თქვენი თემის ირგვკლივ მოვლენები.

·         სანტერესო იქნება, მოკლედ ჩამოაყალიბოთ თქვენი ვარაუდი თქვენი თემის სამომავლო განვითარების  შესახებ;

·         შეგროვებული ინფორმაცია დაახარისხეთ ჯგუფში (თემის ტექსტის, ფოტოს, ვიდეოს, აუდიოს მასალის მიხედვით)

·         თქვენს ღრუბლოვან საცავში One Drive-ში შექმენით საპროექტო თემის ძირითადი საქაღალდე. მასში კი, გამოყავით სხვა ქვესაქაღალდეები, სადაც განათავსებთ თქვენს მიერ მოპოვებულ და დახარისხებულ მასალებს.

·         One Drive-ში შექმნილი საქაღალდე რედაქტირების (edit) რეჟიმში გაუზიარეთ ერთმანეთს.

·         გაეცანით ერთმანეთის ნამუშევარს, საჭიროების მიხედვით შეიტანეთ ცვლილებები, ანუ იმუშავთ ერთობლივად.

·         დასრულებული მასალა გაუზიარეთ პედაგოგს ნახვის რეჟიმში და წარმოადგინეთ კლასის წინაშე პრეზენტაციის სახით.

შეფასების კრიტერიუმი

• საძიებო სისტემებთან დამოუკიდებლად და ჯგუფურად მუშაობა;
• სასურველი ინფორმაციის გაფილტვრა და დახარისხება;
• ღრუბლოვან სივრცეში (One Drive) საქაღალდეებისა და ქვესაქაღალდეების სისტემის დამოუკიდებლად შექმნა;
• ონლაინ რესურსის დამოუკიდებლად შექმნა, გაზიარება და უფლებების გაწერა (მაგ.: გაზიარებულ ფაილში სხვა მომხმარებლებისთვის ცვლილების შეტანის უფლების მინიჭება);

მასწავლებლის რეფლექსია: 

ვინაიდან მე-4 კლასში განხორციელდა აღნიშნული პროექტი მოსწავლეებს ასაკიდან გამომდინარე აღარ ახსოვდათ ელექტრონული ფოსტების ლოჯინები და პაროლები, ამიტომ  მომიწია ამ პაროლების აღდგენისთვის დროებითი პაროლების გამოთხოვა, თუმცა დავალების ძირითადი მიზნის მიღწევაში ამ დროებით პრობლემას ხელი არ შეშლია. ვიდრე მოსწავლეები ინფორმაციის მოძიება-დახარისხებაზე მუშაობდნენ ეს პრობლემაც მარტივად გადავწყვიტეთ. მაკეტების, პრეზენტაციებისა და ფალაერების წარმოდგენის შემდეგ მოსწავლეებმა გააციფრულეს თავიანთი მოძიებული, დახარისხებული და დამუშავებული მასალა, ატვირთეს  One Drive-ში, გაუზიარეს ერთმანეთს და ჯგუფურად წარმოადგინეს პრეზენტაციის სახით, სადაც თითოეულმა ისაუბრა თავისი დამუშავებული თემის ირგვლივ.

მუშაობის ამსახველი ფოტომასალა

იხილეთ ფოტოები

კომპლექსური დავალების სვეის საპრეზენტაციო ბმული

ან ეწვიეთ ბმულს https://mediacom.iliauni.edu.ge/_kompdav/?p=857

ციკლები - რომელი მოვლენები მეორდება ჩვენს ცხოვრებაში ნაწილობრივ ან მუდმივად

კომპიუტერული ტექნოლოგიები

კლასი III-

სამიზნე ცნება/ ცნებასთან დაკავშირებული მკვიდრი წარმოდგენები:

ალგორითმი/ პროგრამული კოდი/ პროგრამული ენა

ალგორითმი არის პრობლემის გადასაჭრელად საჭირო მოქმედებების თანამიმდევრული ერთობლიობა;

ქვეცნებები:

ციკლების გამოყენება ვიზუალური პროგრამირების გარემოში;

კომპლექსური დავალების პირობა:

დაადგინე შენი ყოველდღიური ცხოვრების ციკლები (განმეორებითი საქმიანობები), განსაზღვრე მიზნები და შექმენი ყოველკვირეული სამუშაო განრიგი, რომელიც დაგეხმარება მათ მიღწევაში.

შესრულებულ დავალებაში ნათლად უნდა ჩანდეს:

•          ადამიანის საარსებო გარემოში და ბუნებაში განმეორებადი მოვლენების არსებობა;
•          ციკლი მოვლენათა ერთობლიობაა, რომლებიც მუდმივად მეორდება. ციკლი მეორდება მანამ, ვიდრე რამე არ შეიცვლება. აუცილებელია იცოდე ციკლის/გამეორების მიზანი და შედეგი;
•          მუდმივი ბუნებრივი ციკლებია დღისა და ღამის მონაცვლეობა, წელიწადის დროები, ფოთლებიანი მცენარეების ცვლილებები წლის განმავლობაში და ა.შ.;
•          გავარჩიოთ ერთმანეთისგან მუდმივ და დროებით ციკლებში შემავალი მოვლენები და საქმიანობები;
•          ალგორითმის არსის გააზრება და დამოუკიდებლად შემუშავება;
•          ცხოვრებაში არის მუდმივი მისაღწევი მიზნები რომელთა  მისაღწევად საჭიროა გარკვეული ქმედებების გამეორება;
•          ცხოვრებაში  სასარგებლო ციკლების შექმნით ადამიანი სარგებელს იღებს.

უპასუხე შეკითხვებს:

1.         რა გაიგე ახალი ციკლების შესახებ?
2.          შესძელი თუ არა პირობითი ნიშნების მნიშვნელობების ამოკითხვა?
3.       დაფიქრდი, რომელი მოვლენები მეორდება შენ ცხოვრებაში მუდმივად?
4.          რა სიკეთეს ან სარგებელს მიიღებ ცხოვრებაში  ციკლების შექმნით?