CV – საკუთარი თავის წარდგენა ციფრულ სამყაროში

მეექვსე კლასელებთან კომპიუტერული ტექნოლოგიების გაკვეთილზე ვიმუშავეთ CV-ის (Curriculum Vitae) შედგენაზე. გაკვეთილის პირველ ეტაპზე დაისვა შეკითხვები:

• რა არის CV? 
• რატომაა ის მნიშვნელოვანი?

CV (Curriculum Vitae) არის დოკუმენტი, სადაც ადამიანი მოკლედ და წესრიგით წერს ინფორმაციას საკუთარ თავზე.
CV-ში შეიძლება ეწეროს:

• ვინ არის ადამიანი
• რას სწავლობს ან სად სწავლობდა
• რა უნარები აქვს
• რა იცის კარგად
• რა გამოცდილება აქვს

👉 CV თითქოს „შენი ციფრული წარმოდგენაა“ — ფურცელი, რომელიც გიყვება, ვინ ხარ და რა შეგიძლია.

CV მნიშვნელოვანია იმიტომ, რომ:

•  გვასწავლის საკუთარი თავის სწორად წარმოდგენას
•  გვეხმარება ინფორმაციის მოწესრიგებაში
•  საჭიროა, როცა ადამიანი მომავალში:
• სწავლას აგრძელებს
• კონკურსში მონაწილეობს
• სამსახურს ეძებს
•  ავითარებს კომპიუტერულ და ტექსტურ უნარებს
•  გვასწავლის პასუხისმგებლობასა და მიზნის დასახვას

 

რატომ ვსწავლობთ CV-ს მე-6 კლასში?

იმიტომ, რომ:

• ვსწავლობთ ტექსტის აკრებასა და გაფორმებას
• ვმუშაობთ ცხრილებთან
• ვავითარებთ ციფრულ უნარებს
• და ვიწყებთ ფიქრს: „რა ვიცი? რა გამომდის კარგად?“

აქტივობის ფარგლებში მოსწავლეები:

• გაეცნენ CV-ის მნიშვნელობასა და დანიშნულებას;
• ისწავლეს ტექსტის აკრება და რედაქტირება;
• გამოიყენეს ცხრილები CV-ის სტრუქტურის გასაფორმებლად და აითვისეს მათი რედაქტირების უნარები;
• პრაქტიკაში გამოიყენეს კოპირება-ჩასმის ფუნქცია;
• დაამატეს სხვადასხვა სიმბოლოები დოკუმენტის გასაფორმებლად;
• ისწავლეს დოკუმენტის შენახვა სხვადასხვა გაფართოებით (მაგალითად: .docx, .pdf).

აქტივობამ ხელი შეუწყო მოსწავლეთა ციფრული წიგნიერების, პრაქტიკული უნარების და თვითპრეზენტაციის უნარის განვითარებას.

 ეს არის პირველი ნაბიჯი დიდი წარმატებებისკენ <3 

8 თებერვალი დავით აღმაშენებლის ხსენების დღეა

8 თებერვალი დიდი ქართველი მეფის, დავით აღმაშენებლის ხსენების დღეა.

ჯერ კიდევ 16 წლისა, 1089 წელს, მას  მეფის გვირგვინი დაიდგა და მთელი ცხოვრება საქართველოს გაძლიერებასა და განვითარებაზე ზრუნვას შეალია. ისტორია მას ასე მოიხსენიებს: „მეფე აფხაზთა, ქართველთა, რანთა და კახთა, სომეხთა, შარვან-შა და შაჰან-შა“. დავით აღმაშენებელი იყო ჭკვიანი, მამაცი და მიზანდასახული მეფე, რომელმაც თავისი იდეები რეალობად აქცია – მისი მმართველობის დროს საქართველო ძლიერი, გაერთიანებული და ეკონომიკურად მყარი ქვეყანა იყო. დღესაც ვოცნებობთ ქვეყნის ერთიანობას და დავითისეული ძლიერების დაბრუნებას.

 

სსიპ ქლაქ ქუთაისის N36 საჯარო სკოლის კომპიუტერული ტექნოლოგიების გაკვეთილზე მოსწავლეებთან ერთად კიდევ ერთხელ გავიხსენეთ დავით აღმაშენებლის ისტორია და მისი უდიდესი ღვაწლი საქართველოს წინაშე. მოვიძიეთ შესაბამისი ვიზუალური და ტექსტური მასალა, დავამუშავეთ და შევარჩიეთ სანდო ინფორმაცია.

ნასწავლი თემების გამოყენებით მოსწავლეებმა შექმნეს საინფორმაციო ბუკლეტი, სადაც პრაქტიკულად გამოიყენეს შემდეგი უნარები:

• დოკუმენტის დასათაურება;

• დოკუმენტის შენახვა;

• ფოტოს შემოტანა ტექსტურ დოკუმენტში;

• ინფორმაციის მოძიება, დამუშავება და გაფილტვრა;

• ტექსტის გაფორმება და განლაგება;

• ფურცლის ფერის შეცვლა;

• მოჩარჩოების გამოყენება.

გაკვეთილმა ხელი შეუწყო როგორც ციფრული კომპეტენციების განვითარებას, ისე ისტორიული ცნობიერების გაღრმავებას და შემოქმედებითი უნარების გამოვლენას.

ჩემი სკოლის ისტორია

 სკოლაში განხორციელდა საგანმანათლებლო პროექტი „ჩემი სკოლის ისტორია“, რომელშიც მონაწილეობდნენ მე-5 და მე-6 კლასის მოსწავლეები. პროექტის ფარგლებში მოსწავლეებმა მოიძიეს ინფორმაცია საკუთარი სკოლის ისტორიის შესახებ, შეაგროვეს მასალები და გაანალიზეს მიღებული მონაცემები.

მიღებული ინფორმაცია მოსწავლეებმა ტექსტურ რედაქტორში – Microsoft Word-ის დოკუმენტში გადაიტანეს, რამაც ხელი შეუწყო ტექსტის აკრეფის, რედაქტირების და ფორმატირების უნარ-ჩვევების განვითარებას. სამუშაო პროცესში ისინი დაეუფლნენ ტექსტურ რედაქტორთან მუშაობის პრაქტიკულ ელემენტებს, რაც მნიშვნელოვანია მათი ციფრული კომპეტენციების გაუმჯობესებისთვის.

პროექტმა ხელი შეუწყო არა მხოლოდ ტექნოლოგიური უნარების განვითარებას, არამედ მოსწავლეთა ინტერესის გაღვივებას საკუთარი სკოლის ისტორიის მიმართ. მუშაობის პროცესში მათ უკეთ გაიცნეს სკოლის წარსული, მნიშვნელოვანი მოვლენები და ტრადიციები, რამაც გააძლიერა კუთვნილების, პასუხისმგებლობისა და სკოლისადმი პატივისცემის გრძნობა.

პროექტი განხორციელდა კვლევითი, შემოქმედებითი და პრაქტიკული აქტივობების შერწყმით და მნიშვნელოვნად შეუწყო ხელი მოსწავლეთა როგორც საგნობრივი, ისე ციფრული და მოქალაქეობრივი უნარების განვითარება