გაკვეთილის თემა: სისტემური ბლოკის კომპონენტები

სისტემური ბლოკის კომპონენტები: პროცესორი, დედაპლატა, ოპერატიული მეხსიერება, მყარი დისკი, კვების ბლოკი.

მე-6ა კლასის მოსწავლეებს ნასწავლი მასალის გახსენებისათვის  მიეცათ დავალება გამოეცნოთ და აეხსნათ  რა არის გამოსახული სურათზე, რომელიც დაურიგდათ წინასწარ. მოთხოვნა იყო: მოსწავლეებს ერთმანეთისთვის არ უნდა ეჩვენებინათ ის გამოსახულებები ან  ფურცელზე დაწერილი სისტემურ ბლოკში შემავალი კომპონენტების დასახელებები, რაც ეწერათ მის კონკრეტულ დავალებებზე. დავალებები შესრულდა წყვილებში.   მოსწავლეებმა რიგ-რიგობით კლასის წინაშე სიტყვიერად ახსნენ (დანიშნულების, ფორმისა და ფუნქციის მიხედვით), თუ რა იყო გამოსახული ან დაწერილი მათ ფურცელზე. კლასის დანარჩენი ნაწილი შეეცადა გამოეცნო რომელ კომპიუტერულ დეტალს აღწერდა კლასის წინაშე გამოსული მოსწავლე.

მოსწავლეები ხალისით ჩაერთნენ დავალებების შესრულებაში, გამოცნობის პროცესი იყო საინტერესო და პროდუქტიული.