ჩემი საოცნებო უბანი - პირობითი ნიშნები ჩვენ ირგვლივ

კლასი: II  

იხილე თემატური მატრიცა

მიმართულება:  კომპიუტერული ტექნოლოგიები 

·         სამიზნე ცნება: პირობითი ნიშნები

·         პირობითი ნიშნები არის წინასწარ შემუშავებული ნიშანთა სისტემა;

• პირობითი ნიშნების საშუალებით შესაძლებელია ინფორმაციის გადაცემა;
• პირობითი ნიშნების საშუალებით შესაძლებელია წინასწარ შემუშავებული ბრძანებების თანამიმდევრული შესრულება.

ქვეცნება:

პირობითი ნიშნების სისტემის დამოუკიდებლად შემუშავება. პირობითი ნიშნების საშუალებით ინფორმაციის მიღება და გადაცემა.

საკვანძო კითხვები:

·      რა პრინციპითაა შემუშავებული ნიშანთა სისტემა, რომელსაც იყენებთ ? 

·      რა ინფორმაციას გადმოსცემს თქვენ მიერ შექმნილი / შერჩეული პირობითი ნიშნები ? 

·      რომელი ბრძანებების შესრულებაა შესაძლებელი თქვენ მიერ შერჩეული პირობითი ნიშნებით ?

კომპლექსური დავალების დასახელება:  ჩემი საოცნებო უბანი 

კომპლექსური დავალების პირობა: წარმოიდგინე ხართ შენი ქალაქის მერი და სურვილი გაქვს შენი ქალაქის უბნები ყველაზე ლამაზად და უსაფრთხოდ მოაწყო. საგანმანათლებლო თამაშის "ვსწავლობ თამაშით" გამოყენებით შექმენი შენი საოცნებო უბანი. პირობითი ნიშნების დახმარებით შექმენი შენი საოცნებო უბნისთვის სასარგებლო ციკლები. (შეგიძლიათ სასურველი სცენების რაოდენობა გამოიყენოთ)

• შენ უნდა მოიფიქრო, როგორი გინდა, იყოს შენი მომავლის საოცნებო  უბანი, პირობითი ნიშნების ან ციკლების გამოყენებით. 
• შევუქმნათ უბნის მაცხოვრებლებს მოძრაობის უსაფრთხო ციკლი საგზაო და გარემო ნიშნებისგან, რომლებიც მოაწესრიგებენ, უფრო საინტერესოსა და უსაფრთხოს გახდიან შენს უბანს;

შესრულებულ დავალებაში ნათლად უნდა ჩანდეს:

• შესრულებული დავალების პრეზენტაციისას ხაზგასმით წარმოაჩინეთ: 
• როგორ შეადგინეთ ნიშანთა სისტემა, რას აღნიშნავს თითოეული მათგანი; 
• რომელი ბრძანებები უნდა შესრულდეს თქვენ მიერ შექმნილი პირობითი ნიშნების გამოყენებით. 

იხილე თემატური მატრიცა

სასრული და უსასრულო ციკლები - ჩემი პირველი დამოუკიდებელი ანიმაცია

კლასი: 5 კლასი

მიმართულება: კომპიუტერული ტექნოლოგიები

საათების რაოდენობა: 5

სამიზნე ცნება: (ალგორითმი) პროგრამული კოდი

1.      ალგორითმი არის პრობლემის გადასაჭრელად საჭირო მოქმედებების თანამიმდევრული ერთობლიობა;

2.      პროგრამული კოდი გამოიყენება პროგრამების შესაქმნელად;

3.      პროგრამული კოდი განსაზღვრავს კომპიუტერული მოწყობილობის მიერ გარკვეული ოპერაციების შესრულებას, მოწყობილობის ქცევას;

4.      პროგრამული კოდი პროგრამულ ენაზე იწერება.

ქვეცნება: კომპიუტერული პროგრამა; უსასრულო და სასრული ციკლები; პარალელური პროგრამირება; პირობითი ოპერატორების (if, else) გამოყენება პროგრამული კოდის შექმნისას; პროგრამულ კოდში ობიექტების (DateTime) გამოყენება; ვიზუალური პროგრამირების გარემოში სტატისტიკური ინფორმაციის, მონაცემების დამახსოვრება.

საკვანძო კითხვები:

• როგორია თქვენ მიერ შემუშავებული ალგორითმი; 
• იყო თუ არა ალგორითმი სწორად შემუშავებული, რომ პროგრამული კოდი გამართული ყოფილიყო; 
• რისთვისაა საჭირო პროგრამული კოდი?
• იყო თუ არა ვიზუალური პროგრამირების ეს პროგრამა თქვენი შესასრულებელი დავალებისთვის მოსახერხებელი? 

კომპლექსური დავალების დასახელება: ჩემი პირველი დამოუკიდებელი ანიმაცია

კომპლექსური დავალების პირობა:  შექმენით ანიმაცია ვიზუალური პროგრამირების Scratch- ის  გარემოში. გაიაზრეთ, როგორი ალგორითმი ექნება თქვენს ნამუშევარს. შექმნის პროცესში მიაქციეთ ყურადღება, რომ პროგრამული კოდი იყოს გამართული და უშეცდომო. თქვენ უნდა შეასრულოთ დავალება Scratch-ში ციკლების გამოყენებით. შექმენი ანიმაცია: აირჩიე ობიექტი: მაგ: ბეიზბოლისტი, ბურთი,  აირჩიე ფონი. 

• სპრაიტმა განახორციელოს მარცხნივ გადაადგილება 10 ნაბიჯით 2 წამის განმავლობაში
• გამოიყენე ციკლი, სადაც მოქმედებას სჭირდება განმეორება, მიუთითე სასურველი რაოდენობა
• გამოიყენე  ობიექტის (ბურთის) გადაადგილების ბლოკი, სადაც კურსორი იქნება შემთხვევით კოორდინატებზე
• ანიმაციის გასაფორმებლად გაქვს სრული თავისუფლება, შეგიძლია  შემოიყვანო სხვა ახალი სპრაიტები ან ფონის ცვლილება, გამოიყენო შესაბამისი ხმა.
• ნამუშევარი გააზიარე , გაუგზავნე მასწავლებელს და წარადგინე კლასის წინაშე.

სრულად იხილეთ თემატური მატრიცა

მოსწავლეების მიერ შესრულებული დავალებები: https://scratch.mit.edu/projects/602634019/

რებუსები და ანდაზები - ვიზუალური კომუნიკაცია პირობითი ნიშნების გამოყენებით

თემატური მატრიცა 

   

   კლასი-III

  

  მიმართულება:  კომპიუტერული ტექნოლოგიები 

        სამიზნე ცნება: პირობითი ნიშნები

  1.           პირობითი ნიშნები არის წინასწარ შემუშავებული ნიშანთა სისტემა;

  2.           პირობითი ნიშნების საშუალებით შესაძლებელია ინფორმაციის გადაცემა; 

  3.      პირობითი ნიშნების საშუალებით შესაძლებელია წინასწარ შემუშავებული ბრძანებების თანამიმდევრული შესრულება. 

ქვეცნება: ვიზუალური კომუნიკაცია პირობითი ნიშნების გამოყენებით

საკვანძო კითხვები:

•           რა გაიგე ახალი ვიზუალური კომუნიკაციის ენის შესახებ?
•          შესძელი თუ არა ვიზუალური კომუნიკაციის ენისა და სახეობების გამოყენება?
•          როგორ შეადგინეთ ნიშანთა სისტემა, რას აღნიშნავს თითოეული მათგანი; 
•      რომელი ბრძანებები უნდა შესრულდეს თქვენ მიერ შექმნილი პირობითი ნიშნების გამოყენებით.   

       კომპლექსური დავალების დასახელება:  რუბრიკა - „რებუსები და ანდაზები“.

       კომპლექსური დავალების პირობა: წარმოიდგინე ხარ საბავშვო გაზეთის ჟურნალისტი და უნდა მოამზადო რუბრიკა სახელწოდებით „რებუსები და ანდაზები“. საგანმანათლებლო თამაშის "ვსწავლობ თამაშით" გამოყენებითა და პირობითი ნიშნების გამოყენებით შეადგინე რებუსები და ანდაზები. 

შესრულებულ დავალებაში ნათლად უნდა ჩანდეს:

•     რა პრინციპითაა შემუშავებული ნიშანთა სისტემა, რომელსაც იყენებთ
•     რა ინფორმაციას გადმოსცემს თქვენ მიერ შექმნილი / შერჩეული პირობითი ნიშნები
•     რომელი ბრძანებების შესრულებაა შესაძლებელი თქვენ მიერ შერჩეული პირობითი ნიშნებით

თ    იხილეთ თემატური მატრიცა სრულად