პირობითი ნიშნების ენაზე დაწერილი პირველი დამოუკიდებელი პროგრამა

კომპიუტერული ტექნოლოგიების გაკვეთილი კომპიუტერების გარეშეც საინტერესოდ მიმდინარეობს. დღეს ელექტრო ენერგიის არქონის გამო უჩვეულო რეჟიმში წარიმართა საგაკვეთილო პროცესი,  თუმცა ყველა მოსწავლე თავისი მუშაობით ძალიან კმაყოფილი დარჩა. მოსწავლეება იმუშავეს წყვილებში. პირობითი ნიშნების გამოყენებით მოსწავლეებმა  დაწერეს პროგრამები თითოეული ნახაზის დასახატად. თითოეულმა წყვილმა ერთად შეარჩიეს ერთ-ერთი გამოსახულება მოცემული ნახაზებიდან. მათ განიხილეს  ნახაზის შექმნის ალგორითმი. სიმბოლოების გამოყენებით გადააქციეს ალგორითმები პროგრამებად. წარმოადგინეს სხვადასხვა ვარიანტებიც, რაც უფრო სახალისოს, საინტერესოს ხდიდა მუშაობის პროცესს.

დამაკავშირებელი სადენები

დავალება სსიპ ქალაქ  ქუთაისის N17  საჯარო სკოლის მესამეკლასელებს: "დაფიქრდი და მიუსადაგე, რომელი ტიპის სადენი სად უნდა შეაერთო?"

კომპიუტერის მექანიზმებს შორის ინფორმაცია მუდმივად „მოგზაურობს“. ინფორმაცია დენისა და ძაბვის დახმარებით გადაეცემა კომპიუტერში და მას სპეცილური გზები აქვს სამოძრაოდ, ჩვენ მათ დამაკავშირებელ სადენებს ვუწოდებთ.

ყველა სადენში გარკევეული ტიპის ინფორმაცია და დენი მოძრაობს. ყველას თავისებური ფორმა და, რაც მთავარია, დამაკავშირებელი თავები აქვთ ორივე მხრიდან. სწორედ დამაკავშირებელი თავებით უნდა გაარჩიონ ჩვენმა მესამე კლასელებმა ერთმანეთისგან სადენები.

პატარები კარგად გაერკვნენ სადენების სახეობებში და ისწავლეს მათი დახმარებით მოწყობილობების დაკავშირება. ვისაუბრეთ რა განსხვავება დენის მიმწოდებელ სადენებსა და ინფორმაციის გადამტან სადენებს შორის.