EdCamp Georgia -2024

საქართველოში რამდენიმე წელია სტარტი აიღო მასწავლებელთა კონფერენციამ EdCamp Georgia, რომელიც პედაგოგებს საშუალებას აძლევს გააზიარონ არამარტო ქართული, არამედ ევროპული, საუკეთესო გამოცდილება.

2 და 3 მარტს ბათუმში გაიმართა EdCamp Georgia -2024  მეორე ეროვნული კონფერენცია, რომელშიც ქართველ და უცხოელ ექსპერტებთან ერთად საქართველოს სხვადასხვა რეგიონში მოღვაწე 300-ზე მეტი პედაგოგი იღებდა მონაწილეობას.

 EdCamp საერთაშორისო საგანმანათლებლო ინიციატივაა, რომელსაც საქართველო 2022 წლიდან შეუერთდა და მიზნად ისახავს მასწავლებელთა პროფესიული განვითარების ხელშეწყობას, გამოცდილებების გაზიარებას და სკოლებში ინოვაციურ/ტექნოლოგიური სიახლეების დანერგვის პროცესის გამარტივებას.

ინიციატივა „ედკემპი“ (EdCamp) 2010 წელს ჩამოყალიბდა ამერიკის შეერთებულ შტატებში. ამერიკელმა მასწავლებლებმა პედაგოგთა კვალიფიკაციის ამაღლებისა და პროფესიონალური განვითარების მიზნით ალტერნატიული გზის შექმნა გადაწყვიტეს. მას შემდეგ, „ედკემპის“ მოძრაობა 45-ზე მეტ ქვეყანაში გავრცელდა. ჩვენი ამერიკელი კოლეგები ამაყობენ, რომ ფონდი ბილ და მელინდა გეითსების მხარდაჭერით სარგებლობს. მნიშვნელოვანია არა მხოლოდ ფინანსური მხარდაჭერა, არამედ საერთო საქმისადმი დამოკიდებულება. აღსანიშნავია, რომ 2015 წელს „ედკემპმა“ მსოფლიო მასშტაბით მე-6 ადგილი დაიკავა ყველაზე ინოვაციურ საგანმანათლებლო ორგანიზაციებს შორის(The World`s Top 10 Most Innovative Companies of 2015 In Education)."

მოტივირებულ პედაგოგთა კლუბი (ხელმძღვანელები ნატალია თურქაძე, მზია კახაძე) სხვა არაერთ ორგანიზაციებთან ერთად წარმოადგენს პროექტ EdCamp Georgia-ს  მხარდამჭერ გუნდს. 

სსიპ ქალაქ ქუთაისის N36 საჯარო სკოლიდან აღნიშნულ  კონფერენციას დაესწრო ინგლისური ენის მასწავლებელი მარიამ აბულაძე და მოტივირებულ პედაგოგთა კლუბის ხელმძღვანელი, სსიპ ქალაქ ქუთაისის N36 საჯარო სკოლის კომპიუტერული ტექნოლოგიების პედაგოგი ნატალია თურქაძე.

უსაფრთხო ინტერნეტის დღე“

ციფრული უსაფრთხოების კალენდარში 8 თებერვალი მონიშნულია, როგორც „უსაფრთხო ინტერნეტის დღე“ (Safer Internet Day - SID).

უსაფრთხო ინტერნეტის დღის აღნიშვნას შეუერთდა სსიპ ქალაქ ქუთაისის #36საჯარო სკოლა. კომპიუტერული ტექნოლოგიების პედაგოგის მიერ ჩატარებული აქტივობებით კიდევ ერთხელ გავუსვით ხაზი თუ რამდენად მნიშვნელოვანია ინტერნეტუსაფრთხოების მიზნით გასატარებელი ღონისძიებები რათა ინტერნეტი გახდეს უფრო უსაფრთხო და დაცული სივრცე ყველასთვის, განსაკუთრებით კი ბავშვებისა და ახალგაზრდებისთვის.

ცნობიერების ამაღლების მიზნით ვისაუბრეთ ისეთ საკითხებზე, როგორებიცაა: კიბერბულინგი და ვირტუალური შევიწროება, სოციალური ქსელების გამოყენება, პირადი ინფორმაციის დაცვა, ციფრული იდენტობა და სხვა...

#ერთადუკეთესიინტერნეტისთვის

უსაფრთხო ინტერნეტის დღე

ციფრული უსაფრთხოების კალენდარში 8 თებერვალი მონიშნულია, როგორც „უსაფრთხო ინტერნეტის დღე“ (Safer Internet Day - SID).

უსაფრთხო ინტერნეტის დღის აღნიშვნას შეუერთდა სსიპ ქალაქ ქუთაისის #36საჯარო სკოლა. კომპიუტერული ტექნოლოგიების პედაგოგის მიერ ჩატარებული აქტივობებით კიდევ ერთხელ გავუსვით ხაზი თუ რამდენად მნიშვნელოვანია ინტერნეტუსაფრთხოების მიზნით გასატარებელი ღონისძიებები რათა ინტერნეტი გახდეს უფრო უსაფრთხო და დაცული სივრცე ყველასთვის, განსაკუთრებით კი ბავშვებისა და ახალგაზრდებისთვის.

ცნობიერების ამაღლების მიზნით ვისაუბრეთ ისეთ საკითხებზე, როგორებიცაა: კიბერბულინგი და ვირტუალური შევიწროება, სოციალური ქსელების გამოყენება, პირადი ინფორმაციის დაცვა, ციფრული იდენტობა და სხვა...

„სანამ პიროტექნიკას იყიდი ჩვენს მოგვისმინე, იქნებ გადაიფიქრო“

 სსიპ ქალაქ ქუთაისის N36 საჯარო სკოლის მე-11 ბ კლასის მოსწავლეებმა განახორციელეს პროექტი სახელწოდებით „სანამ პიროტექნიკას იყიდი ჩვენც მოგვისმინე, იქნებ გადაიფიქრო...’’ პროექტის მიზანი იყო მოსწავლეებს გაეცნობიერებინათ თუ რა საფრთხე ახლავს პიროტენიკის გამოყენებას, რა ზიანის მოტანა შეუძლია ნებისმიერი ცოცხალი ორგანიზმისთვის და ზოგადად ბუნებისთვის.

პროექტის ფარგლებში მოსწავლეებმა ჩაატარეს კვლევა ონლაინ კითხვარის საშუალებით, რომლის გაანალიზებისას დაიგეგმა სხვადასხვა აქტივობები. მოსწავლეებმა საკითხზე სასაუბროდ მოიწვიეს ქიმიური და გარემოსდაცვითი ტექნოლოგიების დეპარტამენტის პროფესორი, ქალბატონი ციცინო თურქაძე. ლექცია საინტერესოდ წარიმართა. ქალბატონმა ციცინომ ისაუბრა ძალიან მნიშვნელოვან თემაზე, კერძოდ, პიროტექნიკის მავნებლობის საკითხზე. ისაუბრა ფეიერვერკის ქიმიურ შემადგენლობაზე და მისი გამოყენების შედეგად გარემოს სხვადასხვა ნივთიერებებით დაბინძურებაზე.

ლექციის შემდეგ უფროსკლასელებმა ცნობიერების ამაღლების მიზნით დაამუშავეს თემა და საინფორმაციო შეხვედრები გამართეს დაწყებითი კლასების მოსწავლეებთან. ისაუბრეს თუ რატომაა საშიში პიროტექნიკა ეკოლოგიისთვის, ცხოველებისა და ადამიანებისთვის...

პროექტის ფარგლებში მოსწავლეთა მიერ განხორციელდა სხვადასხვა აქტივობა:

 კვლევა ონლაინ კითხვარის საშუალებით;

 ლექცია ქიმიური და გარემოსდაცვითი ტექნოლოგიების დეპარტამენტის პროფესორის ჩართულობით;

 ცნობიერების ამაღლების მიზნით საინფორმაციო შეხვედრები დაწყებითი კლასების მოსწავლეებთან;

 საინფორმაციო ბუკლეტების დამზადება"არა პიროტექნიკას";

 ნახატების კონკურსი "ახალი წელი პიროტექნიკის გარეშე".

ერთ-ერთია ნახატების კონკურსი თემაზე: "ახალი წელი პიროტენიკის გარეშე! რომლის ფარგლებში მოსწავლეთა მიერ წარმოდგენილი იყო 35-მდე ნახატი. მოსწავლეებს გადაეცათ მადლობის სიგელები და პროექტის ხელმძღვანელიდან ფასიანი საჩუქრები.

29 იანვარს გაიმართა პროექტის დახურვა და განხორციელებული აქტივობების წარდგენა დამსწრე-საზოგადოებისთვის.

პროექტს ხელმძღვანელობას უწევდა კომპიუტერული ტექნოლოგიების მენტორი მასწავლებელი ნატალია თურქაძე

ჩვენი გზავნილია:

#არაპიროტექნიკას!

#გარემოზეზრუნვაპიროტექნიკისგარეშე!

#შეხვდიახალწელსპიროტექნიკისგარეშე!

"კოდის ერთი საათი"- ჩვენს სკოლაში

"კოდის ერთი საათი" #HourOfCode და კომპიუტერული მეცნიერებების საგანმანათლებლო კვირეული

სსიპ ქალაქ ქუთაისის #36საჯარო სკოლაში

და ქუთაისის მეჩვიდმეტე საჯარო სკოლაში

სახალისო, საინტერესო, საჭირო "კოდის ერთი საათი", რომლის მიზანია კომპიუტერული მეცნიერებების, პროგრამირების/კოდინგის პოპულარიზაცია ახალგაზრდებში და ინოვაციური განათლების ხელშეწყობა.

"კოდის ერთი საათის" ამოცანაა, მოსწავლეები დარწმუნდნენ, რომ პროგრამირება/კოდინგი ყველასთვის ხელმისაწვდომი და შესაძლებელია, მიუხედავად ყოველგვარი წინარე ცოდნის და გამოცდილებისა

"Hour of Code"-ის მონაწილე ბავშვებს შესაძლებლობა აქვთ გადადგან პირველი წარმატებული ნაბიჯები თანამედროვე ტექნოლოგიებისა და კოდინგის საოცარ სამყაროში, მიიღონ უმნიშვნელოვანესი გამოცდილება და დაუვიწყარი შთაბეჭდილებები; გაუზიარონ ცოდნა და გამოცდილება მეგობრებს.

პროგრამირება ავითარებს ლოგიკურ, ალგორითმულ, შემოქმედებით აზროვნებას და 21-ე საუკუნის უნარებს.

თამაშზე დაფუძნებული საერთაშორისო პლატფორმები კი მოსწავლეებს პროგრამირების კომპლექსური კონცეფციების მარტივად გააზრებაში ეხმარებათ

კოდის საათის გლობალური ღონისძიებები ეძღვნება კომპიუტერული მეცნიერებების ერთ-ერთი უძლიერესი ქალი მეცნიერის, პროგრამისტის, მათემატიკოსის - გრეის ჰოფერის დაბადების თარიღს.

"კოდის ერთი საათი" (Hour Of Code) გლობალური ღონისძიებაა და ტარდება კომპიუტერული მეცნიერებების საგანმანათლებლო კვირეულის ფარგლებში მთელი მსოფლიოს მასშტაბით #CSEdWeek

CodeMonkey Georgia

CodeMonkey-ი მარტივად აღსაქმელ, თამაშებზე დაფუძნებულ სწავლის მეთოდს სთავაზობს სკოლის ასაკის ბავშვებს და შესაბამისად, აძლევს შესაძლებლობას, ადვილად აუღონ ალღო პროგრამირების შესწავლას.

CodeMonkey-ის პროგრამა ბავშვებს არა მხოლოდ პროგრამირებას, არამედ ანალიტიკურ, ლოგიკურ, კრეატიულ და კრიტიკულ აზროვნებასაც უვითარებს. ბავშვები სწავლობენ როგორ შეხედონ პრობლემას სხვადასხვა კუთხით და როგორ გადაჭრან ის დამოუკიდებლად.

https://www.facebook.com/natoturqadze/posts/pfbid02SPm1snQD9PwdvkSn9AgQyz6WcxFFAHzpGEPTL7a2QmzTDHCEPXYNQzbJvhNMb4ssl