„იცავ ქართულ ენას? ე.ი. იცავ შენს იდენტობას“

ქუთაისის N36 საჯარო სკოლაში 14 აპრილს ქართულ ენას მიეძღვნა გაკვეთილი, რომელიც ენის სიწმინდის დაცვის მნიშვნელობას ეხებოდა. მოსწავლეებმა კომპიუტერული ტექნოლოგიების გაკვეთილზე მოამზადეს საინფორმაციო ტიპის ნამუშევრები, რომლებშიც ასახეს დედაენის დღის დაარსების ისტორია, საზოგადოების როლი ენის შენარჩუნებაში და თვითონ ენის მნიშვნელობა როგორც ეროვნული იდენტობის უმთავრესი ნაწილი.

🔹 ნამუშევრებში განსაკუთრებული ყურადღება დაეთმო:

• ბარბარიზმების გავლენას ქართულ ენაზე

• სალაპარაკო ენის სიწმინდის აუცილებლობას

• სწორად მეტყველებისა და წერილობითი კულტურის მნიშვნელობას

 მოსწავლეებმა არამარტო შექმნეს საინტერესო და ღირებული ნამუშევრები, არამედ განსაკუთრებულად გააფორმეს ისინი,  გადაიქცნენ სიყვარულითა და პატივისცემით შეფუთულ წერილებად გაფორმებული რულონები იასამნისფერი ლენტით არის ნაზი სიმბოლო ენის სიყვარულისა, სილამაზისა და პატივისცემისა. თითოეული რულონი ატარებდა გზავნილს ქართული ენის მნიშვნელობაზე, მის დაცვაზე და იმ ისტორიულ ბრძოლაზე, რომელიც ერის თვითმყოფადობის დასაცავად გაიმართა.

მოსწავლეებმა დედაენისადმი სიყვარული არა მხოლოდ სიტყვით, არამედ საქმითაც დაამტკიცეს – შემოქმედებითად, გემოვნებით და გულით. თავიანთი ნამუშევრები გაავრცელეს სკოლის სივრცეში, რათა ერთგვარად ენის დაცვისკენ მოუწოდონ თანატოლებს და მასწავლებლებს.

ეს აქტივობა კიდევ ერთხელ შეგვახსენებს, რომ ენა არა მხოლოდ კომუნიკაციის, არამედ იდენტობის, კულტურისა და თავისუფლების შენარჩუნების საფუძველია.

„იცავ ქართულ ენას? ე.ი. იცავ შენს იდენტობას“ – გაკვეთილის მთავარი გზავნილი.

9 აპრილი — მეხსიერება, რომელიც ჩვენში ცოცხლობს

დღეს, ქუთაისის N36 და N17 საჯარო სკოლის  მოსწავლეებთან ერთად გავიხსენეთ ჩვენი ქვეყნის ერთ-ერთი ყველაზე ტრაგიკული, მაგრამ გმირული დღე — 9 აპრილი, 1989 წელი.

გაკვეთილის ფარგლებში მოსწავლეებმა გაიცნეს იმ პერიოდის ისტორიული მოვლენები, ისაუბრეს თავისუფლების მნიშვნელობაზე და იმ გმირებზე, რომლებმაც სიცოცხლე შესწირეს საქართველოს დამოუკიდებლობას.

 მასწავლებელმა წარადგინა პრეზენტაცია, სადაც გავყევით 9 აპრილის ქრონოლოგიას — ღამე, რომელიც თავისუფლების დილას წინ უძღოდა.

 ვუსმინეთ ილია მეორის, ზვიად გამსახურდიასა და მერაბ კოსტავას სიტყვებს — ის ხმები, რომლებიც კვლავ გვსწავლიან მტკიცე ნებას, ერთობას და რწმენას.

     ვიხილეთ ამაღელვებელი კადრები — ემოციური შეხება იმ დღეებთან, რომლებმაც ჩვენი ისტორია ახალი ძალით გამკვეთრა.

     შემოქმედებითი ნაწილში, მოსწავლეებმა შექმნეს საინფორმაციო ბუკლეტები — პატივისცემითა და სიყვარულით შექმნილი გზავნილები სკოლის საზოგადოებისთვის, რომ ჩვენ გვახსოვს 9 აპრილი.

    ბოლოს კი, ბავშვებმა მონაწილეობა მიიღეს Kahoot-ის ინტელექტუალურ თამაშში, რომელიც ცოდნის გაღრმავებასთან ერთად კიდევ ერთხელ მიგვაყვანინა იმ ღირებულებებთან, რომლებიც დღეს გვაერთიანებს.

     ბავშვების გულწრფელი ჩართულობა, პატრიოტული სულისკვეთება და შემოქმედებითი მიდგომა გვარწმუნებს —
მეხსიერება ცოცხალია და მომავალი ღირსეულ ხელშია.

#მადლობა თავისუფლებისათვის!
#ჩვენ გვახსოვს 9 აპრილი!
#დიდება გმირებს!

გაკვეთილი, რომელსაც მხოლოდ ისტორიის წიგნი არ ჰყოფნის - ის გულის სიღრმეში იწერება