როგორ მოვაშოროთ წითელი ხაზები ვორდის ფაილში დაკოპირებულ ტექსტს Microsoft Word-ში

ალბათ, ხშირად გქონიათ როცა დაკოპირებულ ტექსტს მიყვება წითელი ხაზები და ვერანაირად აქრობთ. ასეთ შემთხვევაში შევეცდები დაგეხმაროთ.  დააკოპირეთ ტექსტი და ჩასვით word-ის დოკუმენტში, თუ მას წითელი ხაზები მოყვება ამის  შემდეგ უნდა შევიდეთ file მენიუში

 

მოვძებნით options,

 


 გამოსულ ფანჯარაში proofing დავაწკაპებთ.




ახალ ჩანართში ვიპოვით "when correcting spelling and grammar in word"



მოვუხსნით ყველას თოლიის ნიშანს მასზე დაწკაპებით და ბოლოს დავადასტურებთ ok ღილაკით.



თქვენ დოკუმენტში წითელი ხაზები გაქრება.

იხილეთ ვიდეო ინსტუქციაც

კვლევის პრეზენტაცია

კვლევის  სათაური:

"ინფორმაციულ და საკომუნიკაციო ტექნოლოგიებში შემაჯამებელი დავალების წარმატებით შესრულებასთან დაკავშირებული პრობლემები და მათი გადაჭრის გზები".

კოლეგებს ანგარიში წარვუდგინე პრეზენტაციის სახით (იხილეთ ტექსტის ბოლოს), სადაც დეტალურად განვიხილე კვლევის ეტაპები: შერჩეული თემის მნიშვნელობა, მეთოდები, ინტერვენციები, კვლევის მიგნებები და რეკომენდაციები. შედეგები წარვადგინე როგორც ცხრილების ასევე დიაგრამების სახით. მივაწოდე ინფორმაცია, რომ კვლევის თითოეულ ეტაპზე დაცული იყო ეთიკური საკითხი. ჩემი, როგორც მკვლევარის მხრიდან კერძოდ, სკოლის ადმინისტრაციასთან შეთანხმებით ჩამოვაყალიბე საკვლევი საკითხი და განვსაზღვრე კვლევის მიზანი. შეთანხმებით მოხდა ინტერვენციების დაგეგმვა და მის ფარგლებში გამოსაყენებელი რესურსების შერჩევა. შევეცადე ყველა განხორციელებული აქტივობა პედაგოგიური პრაქტიკის კვლევის ჩარჩოში მომექცია. ამაში დამეხმარა მასწავლებლის საქმიანობის დაწყების, პროფესიული განვითარებისა და კარიერული წინსვლის სქემით გათვალისწინებული სავალდებულო და დამატებითი საქმიანობების შეფასების სტანდარტიზებული ინსტრუმენტები. შევეცადე კვლევის ანგარიშში წარმომედგინა სრული ინფორმაცია  განხორციელებული კვლევის შესახებ.

პრეზენტაციის დასრულების შემდეგ გამოთქვეს მოსაზრებები.

პირველ რიგში ძალიან მნიშვნელოვანი იყო მოსწავლეთა უკუკავშირი: ისინი ამბობდნენ რომ მოეწონათ კვლევა,  უფრო მეტი ინფორმაცია მიიღეს შემაჯამებელი დავალების მნიშვნელობის შესახებ, აღნიშნეს  რომ კვლევის ფარგლებში განხორციელებული ინტერვენციები ძალიან დაეხმარათ შემაჯამებელი დავალების კარგად შესრულებაში.

მშობლებიც ერთხმად აღნიშნავდნენ რომ კვლევა მოეწონათ, კვლევის შედეგები აისახა მათი შვილების წარმატებაზე, მოსწავლეთა მხრიდან საგრძნობლად შეიმჩნეოდა დაინტერესება და მზაობა შემაჯამებელი დავალებების დადებითად შესრულების კუთხით. აღნიშნეს რომ მიესალმებიან მსგავსი კვლევების ჩატარებას.

კვლევის გაზიარების შემდეგ კოლეგებისგან მივიღე საინტერესო და დადებითი უკუკავშირები, მათ აღნიშნეს:

•        კვლევა იყო საინტერესო;
•        კვლევის შედეგებს კოლეგები გამოიყენებენ პროფესიული განვითარებისთვის
•        ინტერვენციები იყო მრავალფეროვანი და ზუსტად მორგებული პრობლემას;
•        ანგარიშის სტრუქტურა თვალსაჩინო და თანმიმდევრული იყო;
•        კვლევაში გამოყენებულ ინტერვენციებს გამოიყენებენ სწავლა-სწავლების ხარისხის გაუმჯობესებისათვის.

აღნიშნული კვლევა  სტიმულია ჩემთვის, რადგან ვფიქრობ ამ კუთხით კვლავ განვაგრძო მუშაობა.  საინტერესო იქნებოდა მომავალ სასწავლო წელს ამ კლასში მუშაობა და მსგავსი ინტერვენციების განხორციელება, მაგრამ ვინაიდან მე-7 კლასში არ ისწავლება ინფორმაციული და საკომუნიკაციო ტექნოლოგიები სხვა საგნის პედაგოგთა მხრიდან პრობლემაზე დაკვირვება და შედეგებზე მსჯელობა საინტერესო იქნებოდა.    

     

მნიშვნელოვანი და საინტერესო იყო კოლეგების მოსაზრებები:

ü   კვლევის მიზანი აქტუალური და   მნიშვნელოვანია. მასწავლებლის მიერ გაწეული   სამუშაო შრომატევადი და საინტერესოა. კვლევაში წარმოდგენილი რეკომენდაციები გასათვალისწინებელია პედაგოგთა მხრიდან.

üკვლევის ანგარიშის   მოსმენამ კიდევ ერთხელ ხაზგასმით დამანახა მასწავლებლის პრაქტიკული კვლევის საჭიროება და  აუცილებლობა. როგორ შეუძლია მასწავლებელს პედაგოგიური საქმიანობის დროს წამოჭრილი პრობლემის იდენტიფიცირება,  პრობლემის გადაჭრის გზების ძიება და   ახალი იდეების, ინოვაციების, სტრატეგიების პედაგოგიურ პრაქტიკაში დანერგვა.

ü    კვლევის პროცესში განხორციელებული ინტერვენციების  დიდი ნაწილი მისაღები სიახლე იყო. კვლევის შედეგებმა მიმახვედრა, რომ გაწეული მუშაობის დიდი ნაწილი სავალდებულო აქტივობებად უნდა გადავაქციოთ სხვადასხვა კლასებში, რომ იგივე პრობლემა ჩვენს პრაქტიკაში კვლავ  არ გაჩნდეს.  

   კოლეგების უკუკავშირი ფასეული ჩემთვის, რადგან მათი აზრი და თანამშრომლობის
ფაქტორი მასწავლებელთა პროფესიული ზრდისთვის, სწავლის პროცესის
გაუმჯობესებისთვის გასათვალისწინებელია.
    ვფიქრობ, კვლევამ ნაწილობრივ მაინც ხელი შეუწყო როგორც საკუთარი პედაგოგიური
პრაქტიკის გაუმჯობესებას, ასევე სკოლაში თანამშრომლობისა და სწავლა სწავლების
ხარისხის ამაღლებას, მოსწავლეთა შედეგების გაზრდას. კვლევის დროს მიღებულმა
გამოცდილებამ და მათმა პრაქტიკაში განხორცილებამ ხელი შემიწყო გამეზარდა
მოსწავლეთა დაინტერესება შემაჯამებელი დავალების შესრულების ხარისხზე
 და შესაბამისად გამეუმჯობესებინა აკადემიური მოსწრებაც.

   ვფიქრობ, კვლევის დროს შეძენილი ცოდნა და გამოცდილება დამეხმარება მომავალშიც
ვიმუშაო კვლევაზე საკუთარი და თანამშრომლების პედაგოგიური პრაქტიკის
გაუმჯობესების მიზნით და სასწავლო გარემოს ეფექტიანობის გაზრდისთვის.

იხილეთ დადებითად შეფასებული კვლევა




იხილეთ კვლევის სრული ვერსია https://drive.google.com/file/d/1Lkdt2Ko301ig5rqMYfHDOJe6Z6jubKN1/view

სარჩევი

სარჩევი არის წიგნის ან ჟურნალის ნაწილი, სადაც რიგზე დასახელებულია შინაარსის თავები, სტატიები, გვერდების მითითებით. დოკუმენტის სარჩევი ორ ძირითად ფუნქციას ასრულებს. ის საშუალებას აძლევს მკითხველს, ზოგადი წარმოდგენა შეიქმნას დოკუმენტის შინაარსისა და სტრუქტურის შესახებ და იგი ამარტივებს, აჩქარებს დოკუმენტის შემადგენელი ნაწილების ძიებას (თავების, პარაგრაფების, ცალკეული სტატიებისა და სხვა განყოფილებების) თავისი ბუნებით სარჩევი მიმანიშნებელია. ის აკავშირებს განყოფილებების სახელწოდებებს გვერდების ნომრებთან, რომლებზეც ეს განყოფილებები თავსდება.
სარჩევის შექმნისათვის ჩვენ დაგვჭირდება References (1) ჩანართი, რომელშიც მოთავსებულია Table of Contents (2).  ამავე ჯგუფში Table of Contents უნდა დააჭიროთ ღილაკს Table of Contents. გაიხსნება ახალი ფანჯარა სადაც სარჩევის შაბლონების კოლექციაა შესაძლებელი.

კურსორი უნდა გადაიყვანოთ იქ სადაც გჭირდებათ ჩარჩევის ჩასმა. ეს შეიძლება იყოს დოკუმენტის დასაწყისში, აბ ბოლოში.  სასურველია სარჩევი ახალ გვერდზე დაიწყოს. დაფაზე შეგიძლიათ აირჩიოთ სარჩევის გამზადებული ვარიანტებიდან რომელიმე, მაგრამ მანამდე სარჩევის გასაკეთებლად თქვენ უნდა იცოდეთ სტილებთან მუშაობა, რომელიც განთავსებულია home ჩანართში. იმისთვის, რომ ჩვენი სარჩევი თავებთან ერთად ქვეთავებსაც მოიცავდეს უნდა განვასხვავოთ თავებისა და ქვეთავების სტილები. მაგალითად თავების სათაურისთვის სტილი:  Heading 1

მენიუს ეს პუნქტი სათაურს მიანიჭებს განსხვავებულ სტილს. ამ სტილით მონიშნული ტექსტები ვორდის მიერ თავის სათაურად აღიქმება.

ხოლო ქვეთავებისთვის უნდა მოვნიშნოთ   Heading 2. 


როცა ყველა თავს და ქვეთავს ასეთნაირად მოვნიშნავთ, კურსორი უნდა დავაყენოთ იმ ადგილზე სადაც გვინდა სარჩევის ჩასმა.  შემდეგ ვირჩევთ References ჩანართის ჯგუფში Table of Contents და  უნდა დააჭიროთ ღილაკს Table of Contents. გაიხსნება ახალი ფანჯარა სადაც სარჩევების ვარიანტებია შემოთავაზებული. ვირჩევთ სასურველს და მონიშნულ ადგილზე ჩაისმება ჩვენი შედგენილი სარჩევი თავებისა და ქვეთავების სტილების გათვალისწინებით. 



სარჩევის ჩასმის შემდეგ, შეგვიძლია მისი სათაური შევცვალოთ ჩვენი სურვილისამებრ.

დოკუმენტზე მუშაობისას ხანდახან სასურველია სარჩევის განახლება, იმისთვის, რომ იგი რეალურად ასახავდეს მიმდინარე მდგომარეობას. ამისთვის საჭიროა სარჩევზე დავდგეთ კურსორით და მენიუს შემდეგ პუნქტებს დავაჭიროთ:



ამ მონიშვნით ჩვენი სარჩევი მუდმივად განახლებული იქნება და ხელით არ მოგვიწევს გვერდების ნომრების ჩასწორება.

დამატებითი ინფორმაცია სარჩევის შესახებ სადაც ვიდეომასალაა შეიძლება მიიღოთ ამ ბმულიდან http://www.ict.tpdc.ge/video/62?ch=812

სოციალური პროექტი: „ეკოლოგიური პრობლემები და გარემო ჩვენს მახლობლად

პროექტი ეხებოდა შემდეგ პრობლემას ეკოლოგიური პრობლემების გათავისება და მოქალაქეობრივი პასუხისმგებლობის გაღრმავებას. ვფიქრობ ამ პროექტის განხორციელების შემდეგ ჩემი მოსწავლეები უფრო მეტად მიაქცევენ ყურადღებას ჩვენ გარემოს, განუვითარდებათ გარემოზე ზრუნვის უნარ-ჩვევები, ეს გავლენას იქონიებს არამხოლოდ კონკრეტულ სამიზნე ჯგუფზე, არამედ მათ სამეგობრო თუ სამეზობლო ჯგუფებზეც. პროექტის მიზანი იყო ბავშვებს დაენახათ თუ რა საფრთხეს წარმოადგენს მათთვის დაბინძურებულ გარემოში ცხოვრება, თამაში... გაეანალიზებინათ საფრთხეები, ეზრუნათ გარემოზე და იგივე მოეთხოვათ თანატოლებისა და უფროსებისგან. 

დასახული მიზნის მიღწევა მოხდა, ყველა დაგეგმილი აქტივობა განხორციელდა. მოსწავლეებმა დაამუშავეს თეორიული მასალა, შეაგროცეს მონაცემები, დაახარისხეს მიღებული და მოძიებული ინფორმაცია, გადაიღეს ფოტოები და დაამზადეს ფლაერები, მშობლებთან ერთად დაასუფთავეს სკოლის ეზო და დარგეს ნარგავები, ნახეს ფილმი დაბინძურებული მსოფლიოსა და შავი ზღვის შესახებ, ისაუბრეს თუ რა გავლენას ახდენს ჩვენ პლანეტაზე ადამიანის მიერ არასწორი ჩარევა, ისაუბრეს ეკოლოგიური პრობლემების თავიდან აცილების შესახებ და დაგეგმეს მომავალი აქტივობები ამ პრობლემების თავიდან აცილების მიზნით. 

ვფიქრობ პასუხისმგებლობის გრძნობის, სამოქალაქო ცნობიერების ამაღლებას ამ პროექტმა ხელი შეუწყო, როგორც მოსწავლეებში ასევე თემში. ყველა აქტივობა რაც დაგეგმილი გვქონდა განვახორციელეთ, შეიქმნა საინიციატივო ჯგუფი, გადაინაწილეს ფუნქციები, მოიძიეს და დაახარისხეს ინფორმაცია, დაამზადეს ფლაიერები, რომელიც დაურიგდათ თემს (უბნის მოსახლეობას) . საინტერესო იყო ბავშვთა და მოზარდთა საერთაშორისო ურთიერთობის ცენტრის ხელმძღვანელის გიორგი ალფაიძის ლექცია სემინარი თემაზე „ეკოლოგიური პრობლემები ჩვენი მოსაგვარებელია“ .

ლექცია-სემინარზე ყურადღება გამახვილდა ოთხ მიმართულებაზე: დაბინძურება, გლობალური დათბობა, ოზონის შრე, ცხოვლეთა გადაშენება. მოსწავლეები და მშობლები აქტიურად მონაწილეობდნენ ლექციის მსვლელობისას გამართულ კითხვა-პასუხში. წარმატებულად შეიძლება ჩაითვალოს ფლაერების მომზადების პროცესი, დიდი იყო მონდომება და მოტივაცია. მათი დარიგების პროცესი და ინფორმაციის მიწოდება თემისძთის, ბავშვები მოსახლეობას აწვდიდნენ ინფორმაციას, რომ არ შეიძლება დანაგვიანება, ყურადღებას ამახვილებდნენ ნარჩენების წვაზე. მის მავნე ზეგავლენაზე. წარმატებული იყო სკოლის ეზოსა და მიმდებარე ტერიტორიის დასუფთავების პროცესი, ხეების დარგვა კი კულმინაცია აღმოჩნდა, მშობლებთან ერთად ბავშვები აქტიურად იყვნენ ჩართული ეზოს გამწვანებაში.


ვფიქრობ პროექტი სასარგებლო გამოდგა ჩემი მოსწავლეებისათვის და მათი მშობლებისათვის. მოსწავლეებს აუმაღლდათ ცნობიერება, რაც დადებითად აისახება მომავალშიც, მოხდა მათი ერთმანეთთან დაახლოება , ერთმანეთის აზრის პატივისცემა, გუნდური მუშაობამ მეტი პასუხისმგებლობის გრძნობა გაუღვივათ და რაც მთავარია პრობლემის გადაჭრის უნარებს შეუწყო ხელი. მოხდა მშობლებისა და მოსწავლეების საერთო მიზნისკენ გაერთიანება. როცა მშობელი ჩართულია სასკოლო ცხოვრებაშო ბავშვებიც უფრო თვითდაჯერებულნი არიან და უფრო მოტივირებულნიც. მჯერა ისინი ერთად იზრუნებენ გარემოზე და მოუწოდებენ სხვებსაც დაიცვან ის. პროექტის ფარგლებში დავამზადეთ და დავბეჭდეთ თემატური ფლაერები. შემდეგ ეტაპზე კი მშობლებთან ერთად დავასუფთავეთ სკოლის ეზო და დავრგეთ ნერგები.


მუშაობის პროცესში გადავიღეთ ფოტოები შემდგომში შედარებისთვის, რა იყო და რა მივიღეთ. ბავშვებს ვასწავლე რომ მათი უფლებაა მოითხოვონ ყველაგან – იცხოვრონ და გაიზარდონ სუფთა და უსაფრთხო გარემოში. მოდიფიცირება არ მომხდარა ყველა აქტივობა განხორციელდა. დაგვეხმარა მოზარდთა საერთაშორისო ურთიერთობის ცენტრის ხელმძღვანელის გიორგი ალფაიძე და მოგვამარაგა ახალი ნარგავებით, რომელიც დაირგო სკოლის ეზოში. აკაკი წერეთლის სახელობის უნივერსიტეტის ქიმიური და გარემოსდაცვითი ტექნოლოგიების დეპარტამენტის დახმარებით ჩატარდა შეხვედრა თემაზე „ პლასტმასის გარეშე“, მოსწავლეებმა გაიგეს რომ პლასტიკატის ბოთლების გამოყენება ჯანმრთელობისთვის საზიანოა, მისი წარმოება კი გარემოსათვის უდიდესი ზიანის მომტანი. ვფიქრობ პროექტმა დასახულ მიზანს მიაღწია, თუმცა უკეთესი იქნებოდა დასუფთავების აქციაზე ჩაგვერთო სხვა კლასის მოსწავლეებიც და აღნიშნული პროექტისთვის მიგვეცა უფრო მასშტაბური სახე.

იხილეთ პროექტის გეგმა  https://teqnologiebi36.blogspot.com/2019/06/blog-post.html

ელექტრონული ცხრილები VI კლასში

შეამოწმეთ ელექტრონულ ცხრილებში თქვენი ცოდნა ზემფირა ელისბარაშვილის რესურსის " ელექტრონული ცხრილები" საშუალებით

ახალი სკოლის მოდელი და ჩემი პირველკლასელები, პედაგოგი ნატალია თურქაძე

სსიპ ქალაქ ქუთაისის N36  საჯარო სკოლის პირველკლასელები  აქტიურად იყენებენ ციფრულ რესურს "ვსწავლობთ თამაშით". დღეს, ინფორმაციული და საკომუნიკაციო ტექნოლოგიების გაკვეთილზე შევასრულეთ  ოთხსცენიანი დავალება, სადაც პირველ სცენაზე პატარებმა ასახეს სკოლის ცხოვრება, მეორეზე სცენაზე- თავისი ოთახი სადაც სკოლიდან დაბრუნების შემდეგ ისვენებენ, მესამეზე სცენაზე გამოსახეს გაკვეთილების მომზადების პროცესი და მეოთხეზე- ეზოში თამაშის პროცესი. პატარები ხალისით ჩაერთნენ მუშაობის პროცესში, მათი ფანტაზია უსაზღვროა... ისინი თავიანთი პატარა თითებით ცდილობდნენ ლამაზი და შინაარსიანი პროდუქტის შექმნას. თამაშით სწავლება მათთვის სწავლისა და განვითარების საუკეთესო გზაა. 



სასწავლო პროცეში „Minecraft-ის“ გამოყენება მათთვის სასიამოვნოცაა და მოტივაციის მიმცემიც. მოსწავლე ითვისებს სასწავლო პროგრამით გათვალისწინებულ მასალას, ივითარებს ტექნოლოგიების გამოყენების უნარ-ჩვევებს. უვითარდებათ ცხოვრებისთვის საჭირო უნარ-ჩვევებიც: შემოქმედებითობა, პრობლემის გადაჭრის გზების ძიება, საკუთარი თავის რწმენა, კრიტიკული აზროვნება... ამასთან ერთად მოსწავლე თავად იღებს გადაწყვეტილებას დამოუკიდებლად , რაც მას საშუალებას აძლევს, ირწმუნოს საკუთარი თავის და თავისი შესაძლებლობების მაქსიმუმი გამოამჟღავნოს.

MICROSOFT WORD-ის ხელოვნური ინტელექტი ტექსტის დაწერაში დაგეხმარებათ

• ხელოვნური ინტელექტი სტილისტიკურ შეცდომებსაც გაასწორებს
• ფუნქცია ივნისში ამოქმედდება

Microsoft Word-ს ახალი ფუნქცია დაემატება, რომელიც ხელოვნური ინტელექტით ტექსტის კორექტირებაში დაგეხმარებათ. ახალი ფუნქციის მიზანი მხოლოდ გრამატიკული შეცდომების დაფიქსირება არ არის - ხელოვნული ინტელექტი პროგრამის მომხმარებლებს არამარტო სტილისტიკური შეცდომების სწორ ვერსიებს შესთავაზებს, არამედ უზრუნველყოფს, რომ ტექსტი გენდერის კუთხით ნეიტრალურ ენაზე იყოს დაწერილი.

ნეიტრალური გენდერი ენაში გულისხმობს, რომ გამოყენებულ სიტყვებში, რომელთა შინაარსი კონკრეტულ სქესთან დაკავშირებული არ არის, არ უნდა გვხვდებოდეს სქესის სტერეოტიპული განსაზღვრა. ამის მაგალითია მამრობითი სქესის შემთხვევაში ინგლისური სიტყვა "policeman", რომელიც ავტომატურად გულისხმობს, რომ ყველა პოლიციელი კაცია, მდედრობითი სქესის შემთხვევაში კი სიტყვა "stewardess", რომელიც ასევე ბორტგამცილებლის სქესს უსვამს ხაზს. Microsoft-ის ხელოვნური ინტელექტი მსგავს სიტყვებს მათი გენდერულად ნეიტრალური ვერსიებით, ამ შემთხვევაში სიტყვებით "police officer" და "flight attendant" ჩაანაცვლებს.

“წერა ადამიანის შემოქმედებითობას მოითხოვს, რის იმიტაციასაც ხელოვნური ინტელექტი სათანადოდ ვერ შეძლებს, თუმცა შეგვიძლია, მას ჩვენი გრამატიკული და სტილისტიკური შეცდომების გასწორება მივანდოთ.” - Microsoft

მწერლის და ხელოვნური ინტელექტის ექსპერტის, ქელუმ ჩეისის თქმით, წერის პროცესში ხელოვნური ინტელექტის როლის გაზრდა “მხოლოდ სასიკეთო შეიძლება იყოს”. მისი შეფასებით, ხელოვნური ინტელექტი შემოქმედებითი ვერასდროს იქნება, თუმცა მას შეუძლია საგრძნობლად შეუმსუბუქოს შრომა ჟურნალისტებს და სხვა პროფესიის წარმომადგენლებს, რომელთაც წერა ხშირად უწევთ.

ფუნქცია Cloud სისტემაზე იქნება დაფუძნებული და მის გამოყენებას თავდაპირველად მხოლოდ Word Online-ის მომხმარებლები შეძლებენ. ფუნქციის სატესტო ვერსია ინვისში, საბოლოო ვერსია კი შემოდგომაზე ამოქმედდება.

წყარო:https://popx.ge/article/4031-microsoft-word-khelovnuri-intelekti-tekstis-dacerashi-dagekhmarebat?fbclid=IwAR2ap-FzWrRTBk3Mjx-mDov66wq1thWH7wOyHeLAumW_4obIkv6jgZpqqPo

სამოდელო გაკვეთილი თემაზე "საავტორო უფლებები ციფრულ სამყაროში", პედაგოგი ნატალია თურქაძე

სსიპ ქალაქ ქუთაისის N36 საჯარო სკოლის მე-5ბ კლასში,  ინფორმაციულ და საკომუნიკაციო ტექნოლოგიებში ჩავატარე პრობლემაზე ორიენტირებული სამოდელო გაკვეთილი თემაზე "საავტორო უფლებები ციფრულ სამყაროში", რომლის მიზანი იყო მოსწავლემ შეძლოს ინტელექტუალური საკუთრებისა და საავტორო უფლებების არსის გაგება-გააზრებას, ამ კუთხით არსებული პრობლემის გაანალიზება და გადაჭრის გზების მოძიება. 21-ე საუკუნეში ინტერნეტის ხანაში-საკმაოდ გაძნელებულია საავტორო უფლებების დაცვა. აქ ყველაზე ხშირად ხდება მუსიკის, სტატიების, ფილმების, სურათების და სხვა ინფორმაციის კოპირება. ეს დანაშაულია. მოქალაქეებს ხშირად უჭირთ (ზოგმა არც იცის) იმის გაანალიზება, რომ თუნდაც ინტერნეტში ძებნისას მოპოვებულ ფოტოზეც კი შეიძლება ვრცელდებოდეს საავტორო უფლებები.

მეხუთე კლასის ინფორმაციული და საკომუნიკაციო ტექნოლოგიების სტანდარტის გაანალიზების შემდგომ გადავწყვიტე საავტორო უფლებების საკითხების შესახებ ინფორმირებულობის და გადაჭრის გზების გაცნობის მიზნით დამეგეგმა პრობლემაზე ორიენტირებული გაკვეთილი. სწავლების ამ საფეხურზე საფუძველი უნდა ჩაეყაროს მოსწავლის მიერ ინფორმაციის  აქტიურ შემეცნებაზე გადასვლას, კრიტიკულ  და შემოქმედებით აზროვნებას, პირადი პასუხისმგებლობის გაცნობიერებას, ინტერნეტში განთავსებული მასალის გამოყენებასთან დაკავშირებულ ეთიკურ-საკანონმდებლო ნორმებსა და  საავტორო უფლებებს. სწორედ, ამ პრობლემის გააზრებას და გადაჭრის გზების ძიებას ემსახურებოდა  გაკვეთილი, რომლის შემდეგაც  მოსწავლემ უნდა შეძლოს მიღებული ცოდნის გაანალიზება  და შეძენილი გამოცდილების ყოველდღიურ ცხოვრებაში გამოყენება. 

სწავლება აიგო სოციალური ურთიერთობების გზით, რადგან გამოვიყენეთ თანამშრომლობითი სწავლება- ჯგუფური მუშაობა, კითხვა-პასუხი. გაკვეთილზე განხორციელდა არსებული ცოდნის მიზეზ-შედეგობრივი კავშირის შემცველი ტრანსფერი, რადგან მაგალითებში გამოკვეთილი პრობლემა დაკავშირდა რეალობასათან, თანამედროვეობასთან . ჯგუფურ მუშაობაში მოსწავლეები იზიარებდნენ და პატივს სცემდნენ ერთმანეთის აზრს. პრეზენტატორებმა წარმოადგინეს თავიანთი ნამუშევრები და რჩევებიც მისცეს თანატოლებს.

მოცემული გაკვეთილით მოსწავლეებმა უფრო მეტი პასუხისმგებლობა აიღეს საკუთარს სწავლაზე და ეს არის დასაწყისი ეტაპი იმისა, რომ დამოუკიდებლადაც შეძლონ მუდმივი ზრუნვა განვითარებაზე. გაკვეთილზე წამოჭრილი მთავარი პრობლემა რეალობიდან იყო წარმოშობილი, მოსწავლეებმა გაიაზრეს ნამდვილი, თუ რეალურთან მიახლოებული ვითარება . მათ პასუხი გასცეს ისეთ შეკითხვებს , რომლებიც საჭიროებდა დასაბუთებას. ე.ი. პრობლემაზე ორიენტირებულმა გაკვეთილმა მოსწავლეებისგან მოითხოვა აზროვნების ისეთ კომპლექსური უნარების გააქტიურება-განვითარების ხელშეწყობა, როგორიცაა ანალიტიკური, შემოქმედებითი და კრიტიკული აზროვნება. 

შეჯამების ფაზაზე მოსწავლეებმა ტექსტურ დოკუმენტში ინტელექტუალური საკუთრებისა და საავტორო უფლებების მიმართ ცნობიერების ამაღლების მიზნით შექმნეს საინფორმაციო ბროშურა „არ გაბედო საავტორო უფლებების დარღვევა! “, სადაც ინტერნეტიდან გადმოწერეს სურათები და დღევანდელ გაკვეთილზე მიღებული ცოდნის საფუძველზე დაწერეს შესაბამისი სლოგანები. 

ნამუშევრების პრეზენტაციის შემდეგ მოხდა მოსწავლეთა განმსაზღვრელი შეფასება წინასწარ შემუშავებული და გაცნობილი შეფასების რუბრიკით. ასევე საინტერესო იყო ანკეტირება „რამდენად ვიცავ საავტორო უფლებებს“,  კითხვარში გაცემული პასუხების მიხედვით მოსაწვლეებმა დაითვალეს ქულები და სქემის მიხედვით  თავად აღმოაჩინეს თუ რომელ კატეგორიას მიეკუთვნებიან ისინი. გაკვეთილის ბოლოს მოხდა მოსწავლეთა შეფასება და თვითშეფასებს. თვითშეფასების მიზნით მოსწავლეებმა share საქაღალდის მეშვეობით მასწავლებელს გაუზიარეს თვითშეფასების ბარათები. 

გაკვეთილის მიზნები მიღწეულად შეიძლება ჩაითვალოს, რამაც ხელი შეუწყო საინტერესო და მრავალფეროვანი რესურსების გამოყენებამ .

გაკვეთილის ესწრებოდა სკოლის დირექცია, შეფასების ჯგუფის წევრები და საგანმანათლებლო ლიდერების ექსპერტი ქალბატონი ნინო უგლავა.

იხილეთ გაკვეთილის რეფლექსია